پنجاب بورڈ کے تحت میٹرک کے نتائج اور آئندہ امتحانات سے متعلق اہم معلومات سامنے آئی ہیں۔ تفصیلات کے مطابق دسویں جماعت کا سالانہ رزلٹ 6 اگست کو جاری کیے جانے کا امکان ظاہر کیا جا رہا ہے۔ اسی طرح نویں جماعت کے طلبہ کے لیے بھی اہم پیش رفت سامنے آئی ہے، جس کے مطابق نویں کلاس کے نتائج 2 ستمبر کو جاری ہونے کی توقع ہے۔ تاہم اس حوالے سے حتمی تاریخوں کا اعلان متعلقہ تعلیمی بورڈز کی جانب سے کیا جائے گا۔ ذرائع کے مطابق میٹرک سیکنڈ اینول امتحان کے شیڈول پر بھی کام جاری ہے، جبکہ یہ امتحان 6 اکتوبر سے شروع ہونے کا امکان ظاہر کیا جا رہا ہے۔ تعلیمی حلقوں کا کہنا ہے کہ طلبہ کو مشورہ دیا گیا ہے کہ وہ سرکاری اعلان پر نظر رکھیں اور غیر مصدقہ اطلاعات کے بجائے بورڈ کی جانب سے جاری ہونے والی معلومات پر اعتماد کریں۔ حکام کے مطابق نتائج اور امتحانات سے متعلق تمام تفصیلات مرحلہ وار جاری کی جائیں گی، جس سے طلبہ اور والدین کو صورتحال سے آگاہ رکھا جائے گا۔